هاتى ودنك اسمعى النصايح دى؟؟؟؟؟؟؟؟؟

معايا لكل بنات منتدى نوردين احلى هدية
نصائح ورعه لتنطيف البيت

اولاً: تجميع نصائح الجزء اللأول

المطبــــــــــــــخ
لازم مطبخك يبقى دايما فلة شمعة منورة واقولك سررررررررررر ده هيحصل لو كل مرة خرجتى من المطبخ وكانك مدخلتهوش بمعنى....لو بتعملى اكل مثلا خلصتى الخلاط.....اشطفيه خلصتى الطبق والسكينة....اشطفى وهكذا هتلاقى نفسك لما تخلصى الاكل المطبخ زى الفل ولما تيجى تغسلى مواعين الغدا او العشا هتلاقى المطبخ يفتح النفس للغسيل مش يغم النفس ههههههههه رتبى الاطباق فى الحوض الكبير تحت والصغير فوق علشان متتخضيش من المنظر وخدى النصيحة دى خلى دايماً جنبك الصفاية البلاستيك بتاعة الاطباق حطى الاطباق المبلولة فيها لان المطبقية اللى فوق بتتعب ايدك وبتنزل الميه فى كمك يييييييييييييييح ومش كويسة لاصحاب النظارات امثالى احم احم.....بلاقى النظارة كان الدنيا شتيت
سائل الاطباق
انا اكتشفت سائل اسمه رويال بجيبه من اى معرض لشركة بتروووول 4 لتر ب 10 جنيه بس بيوفر وبيكفى كتييييييييييير ومتنسيش تزودى شويه ملح على السائل والميه تتقله....وشويه خل يلمع الكوبايات والاستانلس
مسحوق الغسيل
انا بفضل بونكس اوتوماتيك زى مابيقولوا نضافة....ريحة...توفير ال3 كيلو ب 30 جنيه ونازل عليه عرض اليومين دول ال3 كيلو ب 24 جنيه ومتنسيش تزودى ملح الليمون والبيكربونات وتحطى خل لو بتغلى الابيض مكان الداونى طبقى الغسيل قبل متحطيه فى الغسالة وخاصة الملايات وادعيلى على الراحة اللى هتشوفيها
المنظفات
بالنسبة للمنظفات براحتك بس بجد انا اكتشفت كنز اسمه جيف تحفة للدهون حوالين البوتاجاز والفرن والجدران واللذى منه من غير مجهود العبوة كبيرة وب 9 جنيه بس وبتقعد كتييييير
رخام المطبخ
بالنسبة لتلميع رخام المطبخ حطى شويه جنرال من بتاع القطنة مبتكدبش على شويه ميه وحطى شويه زيت اكل اه زيت اكل..... وامسحى وشوفى اللمعان
الاحواض الاستانلس
بالنسبة للحوض الاستانلس عليكى وعلى ملح الليمون بيخليه بيبرق
التلاجة
اغسليها زى ما انتى متعودة بس ضيفى شويه خل لميه الشطف لازالة الروائح وحطى دايما فى التلاجة فحمة لان الكربون بيمتص الروائح ولو تلاجتك لونها ابيض بعد الغسيل حطى شويه بودرة تلج على قماشة ناشفة وامسحى من بره وادعيلى
تعطير المنزل
لان مينفعش طبعا ابو العيال يدخل يشم التوم والبصل واللذى منه
السجاد
علشان تعطرى السجاد نضفى كيس المكنسة من كل التراب وحطى فيه باكوين فانليا وكل ما هتستخدمى المكنسة هتشى ريحة تححححححححححفة
الستاير والكنب والكراسى
هاتى بخاخة وحطى فيها شويه داونى او كومفرت مخففين بميه وهاتك يا رش فش فش فش فش على الستاير والكنب بيدى نعومة وريحة تحفة وبيقى ضربنا عصفورين بحجر
الدولاب والجزامة
عليكى وعلى الصابون المبشور هاتى صابونة بريحة حلوة وابشريها وحطيها فى حتة تل من بتاعة السبوع وبشريط ستان علقيها فى الدولاب او حطيها جنب الفرش والهدوم المطبقة وشمى احلى ريحة
هاتى فواحة من عند ابو 2.5 من اللى بيتولعلها شمعة وخمسة جرام زيت عطر من اى بتاع برفانات الزيت المفضل ليكى بقى فل ...ياسمين..فواكه...لافندر زى متحبى بتدى ريحة تحفة وكمان بتعمل جو رومانسى من اضاءة الشمعة اما تعطير الحمام هتكلم عليها مع الحمام وخدى السر ده لو جوزك بيحب اكله معينة اطفى الشفاط شويه وانتى بتعمليها لو دخل وشمها ساعتها هتبقى عنده احلى من اى معطر بس متستهبليش بقى مش كل يوم يعنى خليها استسنى ليه وبسسسسس
الحمام
تعالوا ناخده واحدة واحدة
اللادوات الصحية
رشى ملح لمون فى الاول على الحوض
والبانيو والقاعدة بعد متبليها بالميه
وبسايل غسيل الاطباق مع سلكة ناعمة
وادعكى
هتلاقى الحاجات نورت وخاصة لو فيها
اصفرار
الارضية
استعملى برده ملح اللمون مع كربونات على فوارق
السيراميك السودة وادعكيها هتلاقيها
ابيضضضضضضضضضت
المرايات
عليكى وعلى الجلانس ولو مش متوفر
يبقى سبرتو ابيض
وبجرنال بعد ما نتأكد انه مافيهوش قران
او اسم الجلالة نمسح المرايا هتلاقيها فلة
انا بفضل اخبار السيارات ههههههههههه
تعطير الحمام
اولها انك تغيرى الفوط المبلولة اول بأول
علشان ريحة الكمكمة
ثانيا انا عملت فكرة العلبة المخرومة
اللى فيها جيل وانا زودت عليها مطهر
بحطها فى السيفون وكل ما نستخدم السيفون
يعطر ويطهر
لو عندك برفان او مزيل عرق مش حاباه
جايلك هدية مثلا خليه فى الحمام
رشة من وقت للتانى هتقوم باللازم
سرررررررر ليكى بقى
هاتى ازازة فيرى او بريل قديمة
حطى فيها ملح لمون على سائل اطباق
على شويه جنرال وشويه ميه ورجيها
وهاتى اسفنجة مواعين حتى لو قديمة
ودايما خبيهم ورا الحوض
لو جالك اى ضيوف فجأة
ادخلى الحمام عادى( اظن من حقك)
نقطتين من التركيبة دى على الحوض
مع السفنجة واى حد هيدخل الحمام هيشهد
بشطاااااااااااااارتك ونضافتك
حتى ولو كان الحوض بس مش هياخد دقيقة
حافظى دايمأ على الحمام نااااااااااااشف
واياكى والحمام المبلول بيدى انطباع وحششش
عودى نفسك وولادك دايما يدخلوا الحمام
ويخرجوا ولا كأنهم استعملوه
الحوض يتشطف بالميه بعد المضمضة والوضوء
الصابونة تتشطف علشان متعجنش
السيفون يتشد مرة واتنين وتلاتة لحد محس ان كله تمام
ممكن تحطى ازازة ميه صغيرة مليانة ميه فى السيفون
هتعمل حجم وبالتالى هتوفر معاكى كمية الميه
المستخدمة فى السيفون كل مرة
اما صاحبات الحمامات اللى الوانها مميزة
زى الاسود والنبيتى والكحلى والبنى
انا عارفة انهم بيعانوا من
التجييييييييييييييييييييير
الادوات الصحية بتجير من الصابون
الحـــــــــــــــــــــــــــــــــــل
زيت جونسون بيبى اويل
اييييييييييييييييييوة
نقطتين على فوطة ناشفة وامسحى الادوات الصحية بعد متنضفيها
هتقعد معاكى حوالى اربع خمس ايام من غير تجيييييييير
وفيها لمعة تححححححححح ححححححفة
السجااااااااد
اول حاجة علشان تحافظى على نظافة سجادك
ارفعى شعار
لا للشوز جوا البيت
وده مش عيب على فكرة خاااااااالص
انا جوزى كان فى بيت مامته لما بيرجع من شغله تعبان
كان بينام بالشوز على السرير
لكن كل حاجة بالتعود
اولا هاتى جزامة حتى لو هتفصليها عند النجار علشان التكلفة
ثانيا لازم المشاية اللى بتبقى ادام الباب
واشتريها خشششنة على اد ما تقدرى
نمسح فيها الشوز واحنا داخلين
لو عندك اطفال وخاصة الصغننين اوى
افرشى ملاية قديمة على السجادة طول ما البيبى عليها
اهى تاخد الفتافيت والشقاوةهبل

نيجى بقى للنضافة
النضافة الدورية طبعا عن طريق المكنسة
او الكنس بالمقشة اليدوية
اما النضافة الكبيرة بالغسيل
وعندك هنا طريقتين
اولها استخدام شامبو السجاد وهى فى مكانها
ودى متوفر فى السوق بانواع كتيييير
تكنسى السجادة بالمكنسة ضهر وبعدين وش
وبعدين بفرشة تدعكى السجاد بالشامبو المخفف بميه
وتطلعيها تنشف
تانيا انك تاخديها على الحمام
وميه واريال وفرشاة وتشطفى فى البانيو
هى طريقة متعبة شويه بس صدقينى
لو بتنضفى سجادك اول بأول مش هتحتاجى
للطريقة دى وممكن اعتماد الطريقة دى
مع المشايات الصغيرة لانها بتيقى سهلة
ومتنسيش تعطرى سجادك بالفانليا
وميه وداونى زى متفقنا قبل كده
وافتكرى دايما انك دخلتى بيوت كتير كان عندك
استعداد تقعدى فى الشارع ولا تقعدى على سجادتهم
وانتى مش كدددددددده

فى فكرة انا بعملها على طول فى المطبخ جبت السلة بتاعت المشابك بس المدورة مش المستطيلة بحطها ادامى على الرخامة وبلبس فيها كيس نايلون بحط فى كل الزبالة اللى بتخرج من الطبيخ زى قشر البصل او اكياس منتجات صغيرة وده مش بيخلينى اوطى كتير للباسكت الكبير واخر اليوم بقفل الكيس وعلى الباسكت الكبير فى الاخر بتلاقى الباسكيت الكبير كله اكياس مقفولة وده بيربحك من الريحة او الهاموشنتكلم شويه عن التوفير فى المطبخ سواء الفلوس او الوقت
وانتى بتعملى الكفتة انقعى نص رغيف ابيض فى الميه لكل نص كيلو لحمة واعصريه كوييييييييييييييس وحطيه وانتى بتبلى الكفتة مع البصل وخلاف بيدى حجم اكبر وبيخلى الكفتة مش حامية وكمان ممكن تزودى البرغل
استبدلى الحاجات اللى بتتجاب من بره بحاجات تتعمل فى البيت
يعنى مثلا الزبادى الكوباية بجنيه ومافيهاش معلقتين انتى هاتى كيلو لبن واعمليه هيوفر كتير وبالهنا والشفا الكمية اكبر ويا سلام لو قطعتى عليه موووووزة هيبقى اكبر واكبر
كذلك الفوووووووووووووول كيس بجنيه لحستيييييييييييييييييين هاتى انتى كيلو فووووووول وشوفى هيعمل معاكى اد ايه
وكذلك البرجر والبيتزا مفيش حاجة اسمها من برررررررررررره كله بيتى فى بيتى
اعملى دايما عصاج لحمة وشيليه جاهز فى الفريزر بحيث لو هتعملى صوانى ولا حاجة هيوفى معاكى جهد ووقت كبيييييييييير
تبلى البفتيك والبانيه برده وعلى الفريزر هيوفر معاكى وقت كتيييييييييييييييييييييييير
اوعى ترمى الرز الفايض لما تعملى رز تانى قبل مايستوى بشويه حطى القديم على الجديد ومش هتفرقيهم
احفظى بقايا الطبيخ والملوخية بالفريزر ولما يتجمعوا طلعيهم واديها اكله ووفرتى
وفرى فى البيض بانك تقطعى عليه بصلة وفلفة وطمطماية وتبقى شكشوكة بدل مثلا متعملى اربع بيضات يبقوا اتنين بس

بالنسبة للأمورات اللى عندهم
مخدااااااات قطن
وداعا للكلكعة والكمكمة

هاتى مخدتك القطن وفضيها فى طبق غسيل كبيييير
واغسلى الخدادية اللى جوة
هتلاقيها مصفرة من عرق الشعر
والزيوت والكريماتاعمل ايه طيب

حطى القطن فى الشمس شويه يتهوى
وبعدين بايدك اعمليه زى ما بنعمل الكنافة
فرقيه عن بعضهرقص القرد

هتلاقى القطن نفففففففففش معاكى
ولا الحاجة للمنجد وصداعه

وبعدين حطى القطن تانى فى الخدادية النضيفة
وخيطيه
وبعصاية المقشة اديها صربتين لحد ما تبقى
مستوية100 100

واستمتعى بأحلى مخدة كأنها من تحت ايد المنجدهوبااااا
على فكرة الطريقة دى تنفع برده لنفش الفايبر
لانه بعد فترة بيكلكع ويهبط

بعد كل ده هاتى سرنجة
وشويه زيت معطر
وادى للمخدة احلى حقنة
كل ما هتنامى على المخدة هتشمى ريحة تحفة
ويا حبذا لو كان زيت لافندر
لانه بيساعد على النوووووووووووومانا باناااااااام

نبدأ بقى الجزء التانى

* حطى شويه ميه وجنرال فى بخاخة ملمع الزجاج
القديمة ولو فى بقعة او حاجة على الارض
رشى كام رشة وبالشرشوبة وامسحى
وكمان تنفع للتنظيف السريع لو فى ضيوف
فى الطريق ولا حاجة

* الجنرال ملمع جيد للزجاج وهو مخفف بالميه
فى حالة لو الملمع بتاعك خلص مؤقتاً يعنى

*لتلميع الخلاطات ( الحنفيات ) فى المطبخ والحمام
اقسمى لمونة نصين وادعكى
اديله ادى واشطفى وشوفى اللمعان

*خلى دايما ليفة للأطباق وواحدة تانية للكوبيات
علشان الدهون..... وبدلى بقى
يعنى لما بتاعة المواعين تبوظ حطى مكانها بتاعة الكوبيات
بتبقى نضيفة وحطى واحدة جديدة للكوبيات وهكذا

*حطى عود بخور مش مولع فى عربية جوزك وافركيه
كل كام يوم وشمى الريحة
بلا معطر بلا وكسة

*لو ساكنة فى عمارة اوعى تنسى تلمعى باب شقتك
لان الجواب بيبان من عنوانه
والله فى شقق تحسى انها مهجورة من كترالتراب اللى عليها

* لما تنضفى الكيبورد اقلبيه وخبطى عليه بالراحة من ورا
هتلاقى فتافيت كتتتتتير بتنزل منه وخاصة لو بتاكلى وانتى ادام الكمبيوتر